کابل کې د «پانګونې جذب او د افغانستان د برېښنا سکټور ملاتړ» کنفرانس پیل شو.
پیګرد خبري اژانس _ کابل افغانستان
راپور _ احمد خبیب حسرت
شنبه، د وږي ۱۵مه ۱۴۰۴
نن شنبه ( د وږي ١۵مه) کابل کې د «پانګونې جذب او د افغانستان د برېښنا سکټور ملاتړ» کنفرانس د ا.ا د لوړپوړو چارواکو په ګډون پیل شو.
د رییسالوزرا اقتصادي مرستیال، ملا عبدالغني برادر په دې کنفرانس کې ویلي، چې افغانستان د لویو، منځنیو او کوچنیو پانګونو پراخ ظرفیت لري او د اوبو، باد او لمر له سرچینو د برېښنا تولید کولی شي چې هېواد پر ځان بسیا کړي.
