دیدبان حقوق بشر از بدرفتاری پلیس پاکستان با مهاجران افغان انتقاد می‌کند
خبرگزاری پیگرد کابل افغانستان
نوشته شده توسط خبرگزاری پیگرد
پنجشنبه ۹ قوس ۱۴۰۲
دیدبان حقوق بشر، به تازگی با نشر گزارشی گفته که مهاجران افغان هنگام اخراج از پاکستان، با بدرفتاری، آزارواذیت و ضبط داریی‌های شان از سوی پلیس پاکستان روبه‌رو اند.
هدر بار، مسئول بخش زنان دیدبان حقوق بشر، گفته که : «پاکستانی‌ها نه تنها افغان‌ها را اخراج می‌کنند، بل با آن‌ها هنگام اخراج رفتار توهین‌آمیز انجام می‌دهند.»
هدر بار، می‌افزاید که گرفتاری دسته‌‌جمعی، تشنج، ازبین‌بردن اموال افغان‌ها در گزارش دیدبان حقوق بشر ثبت شده است. به گفته‌ی او، مسئولان پاکستانی کارت شناسایی بعضی از مهاجران افغان را نیز از بین می‌برند.
در بخشی از گزارش دیدبان حقوق بشر، آمده که مقام‌های پاکستانی مرتکب تخلفات گسترده در برابر مهاجران افغان شده و آن‌ها را مجبور به ترک پاکستان کرده اند.
لازم به ذکر است که بربنیاد آمار سفارت افغانستان در پاکستان، از شروع روند اخراج مهاجران غیرقانونی افغان از پاکستان، تا اکنون بیش از ۴۰۰ هزار مهاجر افغان این کشور را ترک کرده اند.
