بیش از ۲٠٠ هزار کودک در غور واکسین (پولیو) می‌شوند
خبرگزاری پیگرد:ولایت غور.
گزارش : احمدشاه موحد
یکشنبه ۱۹ اسد ۱۴۰۲
صبح امروز (یکشنبه ۲۹ اسد) دور دوم کارزار تطبیق واکسین فلج کودکان “پولیو” با اشتراک مسئولان محلی غور آغاز شد.
داکتر عبدالستار موفق رئیس صحت‌عامه غور می‌گوید که در این دور کارزار تطبیق واکسین فلج کودکان ۲۳۷ هزار و ۴۳٠ کودک زیر سن پنج سال واکسین شده، و برای ۱۴۲ هزار و ۴۵۸ کودک دیگر تابلیت «البندازول» توزیع می‌شود.
مسئولان صحی در ولایت غور همچنان از باشنده‌گان این ولایت می‌خواهند که کودکان شان را در برابر این بیماری واکسین کرده و کارمندان صحی را همکاری کنند.
باشنده‌گان غور نیز از راه اندازی کارزار تطبیق واکسین فلج کودکان ابراز خوش‌بینی کرده و آن‌را برای نابودی بیماری فلج کودکان موثر می‌دانند.
یکشنبه ۲۹ اسد ۱۴٠۲
