نظارت و بررسی از مراکز صحی دولتی و خصوصی ولایت دایکندی

خبرگزاری پیگرد- افغانستان
نوشته شده توسط: شگوفه نورزی
۲۹ میزان ۱۴۰۴

داکترکریم ‌الله حلیمی، رئیس نظارت وزارت صحت‌عامه، همراه با تیم تخنیکی شان در سفری به ولایت دایکندی، از مراکز صحی دولتی و خصوصی این ولایت نظارت نمودند.

هدف از این نظارت بهبود کیفیت خدمات صحی در شفاخانه های دولتی و خصوصی کشور، ارائه خدمات صحی معیاری به شهروندان و تأمین شفافیت در کار آن‌ها خوانده شده است.

همچنین داکتر کریم‌الله حلیمی و تیم تخنیکی شان از مراکز صحی در ولسوالی‌‌های میرامور، شهرستان، پاتو، کیتی، کجران و بندر ولایت دایکندی نیز دیدن نمود.

در همین حال وضعیت بیماران را بررسی، مشکلات و کاستی‌ها را شناسایی و راه‌ حل‌های مفید برای مسوولان مربوطه شریک ساخته شد.

آقای حلیمی تاکید کرد تا کارمندان شفاخانه‌ها به مشکلات صحی بیماران رسیده‌گی نموده و در قسمت تداوی آنان تلاش بیشتر نمایند.